Оюутолгойн далд уурхайн хөрөнгө оруулалтын санхүүжилтийн талаар Лондон хотноо есдүгээр сарын 23-наас эхэлсэн хэлэлцээр өнгөрсөн ням гаригт өндөрлөж, Монголын  Засгийн газрыг төлөөлж явсан эрхэмүүд нутагтаа ирээд байна.  Уул уурхайн яамны  Стратеги төлөвлөлт, бодлогын хэлтсийн дарга Ч.Отгочулуу, “Эрдэнэс МГЛ”-ийн дэд захирал Г.Тэмүүлэн, “Эрдэнэс Оюутолгой”-н гүйцэтгэх захирал Да.Ганболд нар “Рио-Тинто”-гийн удирдлагуудтай хийсэн Лондонгийн хэлэлцээр амжилттай өрнөсөн бөгөөд зарим асуудлыг Улаанбаатарт хэлэлцэхээр тогтсон байна.

Энэ талаар Уул уурхайн сайд Д.Ганхуяг хэлэхдээ “Маргааш Лондонгийн хэлэлцээр хэр болсон, ямар уур амьсгал дунд өрнөсөн, ямар асуудлыг хэлэлцсэн талаар хэвлэлийнхэнд мэдээлэл хийнэ” гэсэн юм.