2013 оны Европын аварга шалгаруулах тэмцээний алтан медалийн төлөө ОХУ, Италийн багууд шалгарлаа.

Тэмцээнийг Польш, Дани улсууд хамтран зохион явуулж байгаа бөгөөд хагас шигшээ болон шигшээ тоглолтууд Дани улсад болж байна.

Өчигдөр болсон хагас шигшээ тоглолтод ОХУ Себрийг 3:1, Итали Болгарыг 3:1-ийн харьцаагаар буулган авснаар 2013 оны Европын аварга шалгаруулах тэмцээний аваргын төлөө тоглохоор шалгарлаа. Италь, Болгарын шигшээ хүрэл медалийн төлөө тоглоно.

Энэ тэмцээнд Болгарын шигшээ шилдэг тоглолтуудыг үзүүлж, медалийн төлөө шалгарсан. Болгарын шигшээ багийн хувьд "D" хэсэгт гуравдугаар байраар шалгарч тэмцээнийг зохион байгуулж буй Польшийн багтай шөвгийн наймд өрсөлдөх эрхийн төлөө өрсөлдсөн. Энэхүү тоглолтод Болгарчууд 3:2-ийн (22:25, 22:25, 25:20, 26:24, 18:16) харьцаагаар Польшийг хөгжөөн дэмжигчдийнх нь өмнө хожсон. Улмаар шөвгийн дөрөвт шалгарах эрхийн төлөө "D" хэсгийг тэргүүлсэн Германтай дахин тоглож, 3:1-ийн харьцаагаар буулган авснаар медалийн төлөө тоглохоор болсон.

Тэмцээний V-XVI байрт шалгарсан багуудыг танилцуулбал:

V байр Франц
VI байр Герман
VII байр Белги
VIII байр Финланд
IX байр Польш
X байр Недарланд
XI байр Словак
XII байр Дани
XIII-р байр Словени
XIV -р байр Турк
XV -р байр Беларус
XVI-р байр Чех тус тус эзэлжээ.

Алтан медаль болон хүрэл медалийн төлөөх тоглолтууд өнөө шөнө Дани улсад болж, тэмцээн өндөрлөнө.