Нийслэлийн хөдөлгөөнт эргүүлийн газарт өчигдөр 22:10 цагийн үед  Баянзүрх дүүргийн тавдугаар хороонд байрлах  “Зон” кафед зодоон болоод байна гэсэн дуудлага иржээ. Дуудлагын дагуу 124-р чиглэлийн эргүүлийн офицер д/ч Ч.Болдбаатар, цагдаа д/а Ч.Дэлгэрмандах нар очиж шалгахад тус кафед зөөгч ажилтай А, Э нарыг зодож танхайрсан байжээ. Уг хэргийг Баянзүрх дүүргийн 12 хороонд оршин суух  32 настай, эрэгтэй Д нь согтуурсан үедээ бүлэглэн зодож, кафены хаалганы шил толийг  хагалан танхайрсныг зогсоосон байна. Хэргийг  Баянзүрх дүүргийн цагдаагийн хэлтэс шалгаж байна.

П.Наран