Филиппиний өмнөд хэсгийн Минданао арлын цахилгаан дамжуулах агаарын шугамын байгууламжид тэсрэх бөмбөг дэлбэрч гэмтээснээс оршин суугчид харанхуйд автсан байна. Албаныхны мэдээлснээр Кабакан хотод орших арлыг хамарсан өндөр хүчдэлийн сүлжээний трансформаторыг гар аргаар бүтээсэн тэсрэх бөмбөгөөр дэлбэлснээс гурван мужийн олон мянган хүн гэрэл цахилгаангүй болжээ. Одоогоор халдлагыг хэн үйлдсэн нь тодорхойгүй байгаа ч сүүлийн үед Минданао арлыг Филиппинээс салан тусгаарлахыг хүссэн исламын босогчид үймээн дэгдээж, цэргийнхэнтэй мөргөлдөх явдал дахин гарах болсон билээ.

Филиппиний Минданао аралд исламын тусгаар улс байгуулахыг зорьсон исламын  хэд хэдэн босогчдын бүлэглэл үе, үе халдлага зохион байгуулж, бослого дэгдээн, цэргийнхэнтэй мөргөлддөг байна.