Урианхай сурын 22 дахь удаагийн улсын аварга шалгаруулах тэмцээн маргааш эхлэх гэж байна. Төв цэнгэлдэх хүрээлэнгийн сурын талбайд болох энэ удаагийн тэмцээн гурван өдөр үргэлжлэх юм. Маргааш буюу баасан гаригт багийн харваа эхлэх бол ахмадын болон хувийн амжилт тогтоох цуваа харваа амралтын өдрүүдэд болно. Энэ жилийн  урианхай сур харвааны УАШТ-д Баян-Өлгий, Ховд, Сэлэнгэ, Хэнтий зэрэг аймгуудын баг тамирчид оролцохоор хүрэлцэн иржээ. Өмнөх жилүүдэд УАШТ ихэвчлэн хөдөө орон нутагт болдог байсан. Харин энэ жилээс Улаанбаатар хотноо зохион байгуулагдахын зэрэгцээ спортын зэрэг, цол олгох юм байна. Түүнчлэн оролцох багийн тоо, насны хязгааргүйг зохион байгуулагчдын зүгээс онцоллоо.