Ирэх сард жюү-жицү бөхийн залуучууд, ахмадуудын тивийн болон ДАШТ болно.   Тодруулбал, аравдугаар сарын 4-5-ны өдрүүдэд АНУ-ын Лос-Анжелс хотноо мастеруудын болон ахмадын дэлхийн аварга шалгаруулах тэмцээн, 27-28-ны өдрүүдэд Япон улсын Токио хотноо болох Ази тивийн аварга шалгаруулах тэмцээн болно. Тус тэмцээнүүдэд оролцохоор Монголын баг бэлтгэл сургуулилтаа хийж байна.

Сануулахад, энэ сарын 22-23-нд Англи улсад болсон жюү-жицү бөхийн “No-Gi British Open-2013” тэмцээний 64 кг-ын жинд А.Мөнхбаяр аваргалжээ. Тэрбээр тус улсад бэлтгэл сургуулилтаа хийдэг байна.