Эдийн засгийн байнгын хорооны хуралдаанаар гишүүд үг хэлэх үеэр Ц.Нямдорж гишүүн төмөр замын тухай эртний түүх сөхөж, Х.Батттулга сайдыг чамгүй чангаар чимхээд авав.

Байнгын хорооны дарга Б.Гарамгайбаатар түүнд хэлэлцэж буй асуудлаа ярихыг анхааруулсан ч тэрээр “салаан дарга”-ынхаа сануулгыг үл тоомсорлон, “Х.Баттулга та нарын хүзүүн дээр хутга тулгачихаад  байдаг юм уу, яахаараа тэр хүнийг огцруулж чаддагүй юм бэ” гэхчилэн давшилсаар байлаа. Ер нь эрхэм гишүүн микрофон л олдвол хэлэлцэж буй үндсэн асуудлыг үл хайхран, эрт урьдын юм хамж шимэн, “дайсан”-уудаа дарж авахыг санаархдаг,  нэлээд зуумтгай нэгэн бололтой.