Хайку шүлэгчдийн “Хязгаараас цааш” бүлгийн нэрэмжит “Намрын кукай” уралдаан зарласан байна. Хайку сонирхогч хэн бүхэн нээлттэй тус уралдаанд оролцохын тулд mongoliankukai@gmail.com хаягаар бүтээлээ явуулах бөгөөд овог нэр, оршин суугаа хотынхоо нэрийг доторхой бичих аж. Зохион байгуулагчид уралдаанд ирсэн бүтээлүүдийг зохиогчийн нэргүйгээр жагсаан, оролцогчдод и-мейлээр буцаан илгээх юм. Оролцогч нь 6 онооны эрхтэй бөгөөд дээрх нэргүй бүтээлүүдээс өөрт таалагдсан гурван хайкудаа 6 оноогоо хуваан өгч, буцаан илгээх юм байна. Ингэхдээ оролцогч нь өөртөө оноо өгөхгүйгээс гадна нэг хайкуд 3-аас дээш оноогүй өгөхгүй. Уралдаанд оролцох бүтээлийг аравдугаар сарын 2 хүртэл хүлээх авах бөгөөд 3-15-ны хооронд санал өгөх ажээ. Уралдааныг нийт оролцогчдын өгсөн онооны нийлбэрээр жагсааж, эхний гурван байрт цахим сертификат, ном бэлэглэх ажээ.

Сонирхуулахад, кукай гэдэг нь өөрийн гэсэн дэг журам бүхий хайку шүлгийн уламжлалт уралдаан бөгөөд Монголд анх удаа болж байгаа юм. Уралдааны сэдэв нь “Намар”.