Сирийн нийслэл Дамаск хотод орших ОХУ-ын Элчин сайдын яамны хашаанд өчигдөр буюу ням гаригт миномётны сум унасан байна. ОХУ-ын Гадаад хэргийн сайдын мэдээлснээр босогчдын харвасан миномётны хэд хэдэн сум Сирийн Дамаск хотын аль-Мазраа орших тус улсын Элчин сайдын яамны хашаанд унасны улмаас гурван ажилчин гэмтэж бэртсэн гэнэ. Одоогоор энэхүү халдлагын талаар дэлгэрэнгүй мэдээлэл байхгүй байгаа боловч энэ нь Сири химийн зэвсгийн нөөцөө олон улсын хяналтад шилжүүлэхтэй холбоотой хэмээн ажиглагчид дүгнэж байгаа аж.

ОХУ-ын Элчин сайдын яам байрлах Сирийн Дамаск хотын аль-Мазраа дүүрэгт Башар аль-Ассадын хамгаалалтын институт, хөлбөмбөгийн талбай, шөнийн клубууд байдаг гэнэ.