УИХ-ын гишүүн Ц.Оюунбаатар нарын 24 гишүүн Өршөөлийн тухай хуулийн төсөл өргөн  барьж буй бөгөөд энэ талаар маргааш  11.00 цагт Төрийн ордны “В” танхимд мэдээлэл хийх ажээ. Энэхүү хуулийг зургаан сарын хугацаанд УИХ-ын гишүүд болон энэ чиглэлээр ажилладаг иргэний нийгмийн төлөөллүүд боловсруулсан байна.

Өнөөдрийн байдлаар Монголд 7000 гаруй хоригдол байгаа. Тэдний 3000 орчим нь хүндэвтэр, үлдсэн нь бусад төрлийн буюу заавал нийгмээс тусгаарлах шаардлагагүй хүмүүс байна. Монгол Улсын төсвөөс жилд 12 тэрбум төгрөгийг хоригдлуудын зардалд өгдөг. Өөрөөр хэлбэл, нэг ялтанд өдрийн 10650 төгрөгийн зардлыг төрөөс гаргадаг. Жилд нэг ялтанд 200 мянган төгрөгийн хувцас тарааж байна гэсэн судалгаа байдаг аж.