Сирийн эрх баригчид өөрсдийн страгегийн сүүлчийн "түшиц" газар буюу төв штабаа авч үлдэхийн байдгаа "шавхаж" байгаа гэсэн. Дамаск хот нь нийт 15 дүүргээс бүрддэг ч олонх нь босогчдын дайралтад өртсөөр буйг төв телевизээр нь мэдээлсээр байх юм. Босогчид Дамаск руу орох, гарах гарцыг хаахаар хэдэн сарын турш байлдсаар байгаа боловч Ассадын хуурай зам болон агаарын хүчин тэдэнд ямар ч боломж олгохгүй байхаар тулалдсаар байгаа гэнэ.

Хэрвээ Ассад Дамаскийн гол гол гарцуудыг "алдсан" тохиодолд бусад мужуудад дайтаж буй түүний арми хүнд цохилтод орох төдийгүй танк, хуягт, нисэх болон хөлөг онгоцууд шатахуун хүргэж өгөхөд туйлын бэрх болно гэж нэгэн сайтад бичжээ. Биднийг Дамаск өөд өгсөхөд Сирийн армитай нэгдэхээр Ливаны "Хезболлах", Ираны "Хувьсгалт гвард"-ийн таних тэмдэг бүхий багахан хэмжээний цэргийн цуваа таарсан. Мөн Оросын цэргийн сургагч нар ч цөөнгүй тоогоор Дамаскт байдаг гэх юм билээ.

Юутай ч Сирийн Ерөнхийлөгч Б. Ассад одоо хэр нийслэл хотдоо байгаа ба босогчдын эсрэг байр сууриа "өөрчлөөгүй" гэж ойлголоо. Мөн тэрээр өнгөрч буй 7 хоногт Сири улсыг "Химийн зэвсэг дэлгэрүүлэхгүй байх конвенц"-д нэгдсэн болохыг зарлаж, нэг жилийн дотор уг зэвсгийн нөөцөө устгалд оруулахаар "амласан". Гэхдээ энэ нь Дамаск нөөцөө шууд устгаад эхэлнэ гэсэн үг биш болохыг мэдэгдэхийн хамт дайснууддаа хэд хэдэн "болзол" тавьж буйгаа уржигдар нэгэн ТВ-д өгсөн ярилцлагдаа товч дурьджээ.