Шударга өрсөлдөөн, хэрэглэгчийн төлөө газар /ШӨХТГ/-аас өнөөдөр “Такси үйлчилгээ ба хэрэглэгчийн эрх” сэдвээр Нийслэлийн иргэний танхимд хэлэлцүүлэг хийхээр зарлав. Гэвч иргэдийн дунд нээлттэй зарласан энэ хэлэлцүүлэгт нэг ч хүн ирсэнгүй. ШӨХТГ-ыг удирдах болсноосоо хойш олны дунд овоо ам сайтай байсан О.Магнай такси үйлчилгээг сайжруулна хэмээн таксины үнэ нэмэх асуудлыг хөндөн дугарсан нь түүний нэр хүнд нилээдгүй унагаж орхисон бололтой.

Тэр байтугай иргэдтэй уулзана хэмээн зарласан энэ уулзалтдаа эрхэм дарга өөрөө ч үзэгдсэнгүй. 

Харин энэ хэлэлцүүлгийг зохион байгуулагсан албаныхан “Такси үйлчилгээг сайн, муугаар хэлэх хүн олон байдаг хирнээ асуудлыг ярилцаж шийдвэрлэх гэхээр нэг ч хүн ирсэнгүй” хэмээн эгдүүцэж суув. ШӨХТГ, Такси үйлчилгээ эрхлэгчдийн холбоо, Замын цагдаагийн газар, Нийслэлийн тааврийн газрын албан хэдэн хүн энэ хэлэлцүүлэгт ирсэн байсан ч санал солилцох иргэд ирээгүй тул аргагүйн эрхэнд тарна лээ.

ШӨХТГ-ын дарга О.Магнайгийн таксины үнийг километр тутамд нь 1000 төгрөг болгох мэдэгдэл цагаа ч, байгаа ч олоогүй бололтой.