Лхагва гаригт авсан мэдээгээр аймгуудад худалдаалж байгаа хонины махны үнэ өмнөх долоо хоногийнхоос нэмэгдсэн байна. Архангай, Булган, Дундговь, Өвөрхангай, Өмнөговь, Сүхбаатар, Сэлэнгэ, Увс, Ховд, Хөвсгөл, Дархан-Уул, Орхон, Говьсүмбэр аймагт 100-950 төгрөгөөр өсч, Дорнод аймагт 500 төгрөгөөр буурч бусад аймагт үнэ тогтвортой байна. Хонины махны үнэ Орхон аймагт хамгийн өндөр үнэтэй буюу 3650 төгрөг байхад Говь-Алтай аймагт хонины махны үнэ 2200 төгрөг байгаа нь хамгийн хямд үнэ юм байна.