УИХ-ын чуулганы үдээс хойшхи хуралдаан эхэллээ. Хуралдаанаар Хөрөнгө оруулалтын тухай хуулийн хэлэлцүүлгийг үргэлжлүүлэн хийж байна. Хэлэлцэж буй асуудлаар МАН-ын бүлэг чуулганы хуралдааны өмнө хуралдсан бөгөөд үүнтэй холбоотойгоор чуулган эхлэх цагаасаа нэлээд хойшилж эхэллээ. МАН-ын бүлгийнхэн гэнэт хуралдахдаа ямар асуудал хэлэлцсэн талаараа хэвлэлийнхэнд мэдээлэл өгсөнгүй.

Чуулганы үдээс өмнөх хуралдаанаар Хөрөнгө оруулалтын хуулийг боловсруулсан ажлын хэсгийнхэн, Эдийн засгийн хөгжлийн сайд Н.Батбаяраас асуулт асууж, хариулт авсан бол одоо төсөлтэй холбоотой санал, шүүмжээ хэлж байна.