Талбайн теннисний WTA ангилалд багтаж буй "KDB Korea Open" тэмцээн энэ сарын 16-22-ны өдрүүдэд БНСУ-ын Сөүл хотноо Seoul Olympic Park-д болно.

500 мянган ам.долларын шагналын сантай тус тэмцээнд WTA чансаагаар дөрөвт бичигдэж буй Польшийн Агнешка Радваньска (4), ОХУ-ын
Мария Кирилленко (20) нарын шилдэг теннисчид оролцох аж.

Тэмцээний аварга
112 мянган ам.долларын шагнал хүртэж, чансааны 280 оноо хүртэх бол дэд аварга 56 мянган ам.доллар хүртэж, чансааны 200 оноо хүртэх юм. Харин хосын төрлийн аваргууд 17 мянган ам.доллар шагнал хүртэж, чансааны 280 оноо хүртэх аж.

2002 оноос эхлэн зохиогдож эхэлсэн тус тэмцээнд ОХУ-ын Мария Шарапова (2004),
АНУ-ын Винус Уильямс (2007), Данийн Каролина Возняцки (2012) нарын шилдэг
теннисчид түрүүлж байжээ.

Ч.БОЛ