Нийслэлийн Засаг даргын 2013 оны гуравдугаар сарын 27-ны өдрийн А\333 дугаар захирамж, Дүүргийн Засаг даргын 2013 оны тавдугаар сарын 07-ны өдрийн А\259 дүгээр захирамжийн дагуу Иргэдийн спортын II наадмыг өнгөрсөн тавдугаар сарын 7-ноос есдүгээр сарын 11-ны өдрүүдэд хэсэг, хороо, бүс, дүүрэг гэсэн дөрвөн үе шаттайгаар зохион байгууллаа.

Дүүргийн иргэдийн спортын II  наадмын хаалтын ажиллагаанд Баянзүрх дүүргийн Засаг дарга Д.Пүрэвдаваа, Засаг даргын орлогч Т.Баясах, Иргэдийн төлөөлөгчдийн хурлын дарга Ц.Батхүү, Нийслэлийн Биеийн тамир спортын газрын ахлах мэргэжилтэн, ажилтан албан хаагчид, дүүргүүдийн Биеийн тамир спорт хороодын дарга нар болон бусад зочид төлөөлөгчид оролцсон юм.

Тэмцээнд нийт 17000 гаруй тамирчид 140 хэсэг, 28 хороо, 6 бүсэд хуваагдан өрсөлдөж, хэсэг, хороо, бүсээс шалгарсан багууд дүүргийн шигшээ тэмцээнд спортын 7 төрлөөр өрсөлдөж хурд хүч, авхаалж самбаагаа сорьсон. Эл тэмцээнд багийн нийлбэр  дүнгээр тэргүүн байранд 9-р хороо, хоёрдугаар байранд 4-р хороо, гутгаар байранд 8-р хорооны баг тамирчид шалгарч, хотын аваргын төлөө өрсөлдөх эрхтэй болсон гэж Баянзүрх дүүргийн Хэвлэл мэдээллийн албанаас мэдээллээ.