Зам, тээврийн сайд А.Гансүх Ухаа худаг –Гашуун сухайт чиглэлийн 267 км төмөр замын ажилтай танилцжээ. Энэ үеэр шинэ төмөр зам дайран өнгөрч буй Өмнөговь аймгийн Ханбогд, Баян-Овоо, Цогтцэций сумдад “Монголын төмөр зам” ТӨХК-иас зохион байгуулсан нээлттэй өдөрлөгт хүрэлцэн ирсэн нутгийн иргэдтэй уулзаж санал бодлыг нь сонссон байна.

Шинэ төмөр зам нь тус аймгийн Ханбогд, Баян-Овоо, Цогтцэций сумдын нутгаар дайран өнгөрч байгаа учир зарим малчин он удаан жил идээшиж дассан нутаг усаар нь төмөр зам дайран өнгөрч буйд дургүйцэх аж. Тиймээс салбарын сайд нутгийн иргэдэд улс оронд өрнөж буй төмөр замын бүтээн байгуулалтын ач холбогдлын талаар тайлбарлаж зарим нэг маргаантай асуудал дээр ойлголцож чаджээ.