“Номтой нөхөрлөе” төрийн бус байгууллагаас өнөөдөр мэдээлэл хийлээ. Хичээлийн шинэ жил хэдийнэ эхэлчихээд байхад улсдаа томд тооцогдох хамгийн том хоёр номын сан болох Төв номын сан болон Д.Нацагдоржийн нэрэмжит номын сангийн засварын ажил дуусаагүй, үүдээ нээгээгүй байна. Тиймээс оюутнууд хичээл хийх орчингүй болоод буйг “Номтой нөхөрлөе” ТББ-аас мэдээлэв.

Монгол Улсад нийт архи, пиво зарах эрхтэй 100 мянга гаруй уушийн газар, шөнийн клуб байдаг атлаа оюутнуудад зориулсан номын сан одоог хүртэл нээгдээгүй байгаад тэд шүүмжлэлтэй хандаж буйгаа илэрхийлсэн юм. Тиймээс “Номтой нөхөрлөе” ТББ-аас номын сангуудыг яаралтай ашиглалтад оруулах тухай шаардлагыг салбарын яам, төр, засгийн удирдлагуудад хүргүүлэхээр болжээ.