– Баруун-Урт сумын ерөнхий боловсролын сургуулиуд нээлтийн арга хэмжээгээ өчигдөр нэгдсэн байдлаар Сүхбаатарын талбайд хийлээ. Энэ жил 3850 хүүхэд сургуулийн босгыг алхлаа. Боловсролын салбарынхан багш сурган хүмүүжүүлэгчид хүүхэд нэг бүрийг хөгжүүлэхийн төлөө ажиллана.

– Энэ хичээлийн жилд Баруун-урт сумын 6-р цэцэрлэг 4 бүлэгт 120 хүүхэд хүлээн авлаа. Хүүхэд нэг бүрийг хөгжүүлэн төлөвшүүлж авъяас чадварыг нь нээн хүүхдэд ээлтэй орчин нөхцлийг бүрдүүлнэ.

– 1983 онд ашиглалтанд орж сургалт хүмүүжлийн ажлаа эхлүүлж байсан Баруун-Урт сумын 3-р цэцэрлэг 2013-2014 оны хичээлийн жилд 2-5 насны 245 хүүхдэд сургуулийн өмнөх боловсролыг олгоно. 3-р цэцэрлэг 180 хүүхэд хүлээн авах хүчин чадалтай, өнөөдрийн байдлаар нөөц бололцоогоо бүрэн дайчилж байгаа ч Баруун-Урт сумын 5-р багийн цэцэрлэгийн насны хүүхдүүдийн 60 гаруй хувийг хамруулж чаджээ.

– Хичээлийн шинэ жил эхэлж байгаатай холбогдуулан хөдөө орон нутгаас ирэх машин техникийн тоо ихсэж байна. Хөл хөдөлгөөн ихтэй байгаа энэ үед явган зорчигч жолооч нарыг замын хөдөлгөөндөө соёлтой оролцохыг ЗЦТ-аас анхааруулсан.