Энэтхэгийн хинди шашны номлогч Асарам Бару гэгч Ражастхан мужийн нэгэн өсвөр насны охиныг хүчирхийлсэн хэрэгт буруутгагдан баривчлагджээ. Ражастхан мужийн Родхпур хотын цагдаагийн газраас мэдээлснээр хохирогч охин ээжийнхээ хамт номлогч Асарам Баругийнд очих үеэр түүнийг хүчирхийлсэн гэнэ. Түүнчлэн цагдаа нар номлогч Асарам Баруг баривчлах үеэр түүнийг дагалдагчид эсэргүүцэл үзүүлж, үймээн дэгдээжээ.

Охины эцэг, эхийн хэлснээр тэд Асарам Баруг сүүлийн арван жилийн хугацаанд дагалджээ. Одоогоор олон мянган дагалдагчтай хинди номлогч өсвөр насны охиныг хүчирхийлсэн хэргийг эрс үгүйсгэж байгаа аж.