Дэлгэцийн уран бүтээл ар араасаа цуварсаар. “Хүүхдүүдтэйгээ хамт кинонд тоглоно” гэх мэдээллийг өмнө нь өгч байсан жүжигчин Д.Хүрэлхүү, П.Эрдэнэзаан, Б.Бямбацогт, О.Бат-Өлзий нар “Тагнуулч аав” киноныхоо ажлыг эхлүүлжээ.

Кинонд жүжигчин Д.Хүрэлхүү, түүний охин Намуун, “Маск продакшин”-ы жүжигчин П.Эрдэнэзаан, түүний хүү Э.Энэрэл, жүжигчин Б.Бямбацогт, түүний хүү Б.Балжинням, жүжигчин И.Одончимэг өөрийн охин Номундарь, жүжигчин О.Бат-Өлзий, түүний хүү Б.Тамир нар тоглох нь тодорхой болсон байна.

“Тагнуулч аав” киноны продюсер нь Гавьяат жүжигчин Д.Хүрэлхүү бол “Go” студийн Д.Галбаяр найруулагчаар ажиллажээ. Харин киноны дууг “Mixx” хамтлагийнхан хуучин бүрэлдэхүүнээрээ дуулахаар болсон байна. “Тагнуулч аав” киноны дууны үгийг Н.Нарангэрэл, аяыг Г.Баяраа бичсэн байна.

Э.ТЭКҮ