Өмнөд Африкийн анхны хар арьст ерөнхийлөгч Нелсон Мандела хоёр сар гаруй хугацаанд эмнэлэгт хэвтэн эмчилгээ хийлгэсний эцэст эмнэлгээс гарч, Йоханненсбург хот дахь гэртээ очжээ. Өдгөө 95 настай тэрбээр өнгөрсөн зургадугаар сарын эхээр уушгины хатгааны улмаас бие нь эрс муудаж, Преториа хотын эмнэлэгт хүргэгдээд байсан билээ.

Нелсон Мандела арьс өнгөөр ялгаварлах үзлийн эсрэг хүчтэй тэмцэгч байсныхаа төлөө 27 жил шоронд хоригдсон ба суллагдсанаасаа дөрвөн жилийн дараа 1994 онд Өмнөд Африкийн Ерөнхийлөгч болж байжээ. Тэрээр 27 жилийн турш шоронгийн умбагар өрөөнд хоригдож байхдаа уушигны өвчин олсон нь өдгөө түүний амь насанд аюул учруулах гол “дайсан” нь болоод буй юм.