Монголын хөлбөмбөгийн холбооны албан ёсны түнш “АПУ” ХК-тай хамтран зохион явуулдаг “Нийслэл лиг-2013” тэмцээний аваргын төлөө Орхон аймгийн "Хангарьд" клуб шалгараад байсан бол өчигдөр “Эрчим” баг шигшээд өрсөлдөх эрхээ авлаа. Хагас шигшээд “Эрчим” болон Улаанбаатар их сургуулийн багууд таарсан бөгөөд эхний тоглолтод 2:0-оор илүүрхсэн “Эрчим” баг хариу тоглолтод 4:0-ийн харьцаагаар өрсөлдөгчөө буулган авснаар шигшээ тоглолтод шалгаран үлдлээ.

Энэ сарын 5-нд эхэлсэн "Нийслэл лиг-2013" тэмцээнд долоон ("Эрчим", "Хасын хүлгүүд", Улаанбаатар их сургууль, FC Ulaanbaatar, Сэлэнгэ пресс, "Хангарьд", "Хоромхон") баг оролцсоноос хагас шигшээд “Хангарьд”, “FC Ulaanbaatar”, “Эрчим” болон Улаанбаатар их сургуулийн багууд шалгарсан. Улмаар “Хангарьд” “FC Ulaanbaatar”-ыг (2:1, 3:2), “Эрчим” Улаанбаатар их сургуулийн багийг (2:0, 4:0) хожсоноор шигшээд шалгарлаа. “FC Ulaanbaatar” vs Улаанбаатар их сургуулийн багууд хүрэл медалийн төлөө тоглоно.

Алтан медаль болон хүрэл медалийн төлөөх тоглолтууд маргааш 11.00, 13.00 цагаас Дулааны IV цахилгаан станцын хөлбөмбөгийн талбай дээр болно.