Арилжаа нь зогссон 36 компанид анхааруулга өглөө

Санхүүгийн зохицуулах хороо болон Монголын хөрөнгийн бирж хуулийн дагуу үүргээ биелүүлээгүй, зөрчил гаргасан 165 хувьцаат компанид шалгалт хийж байсан бөгөөд энэ долоо хоногт 57 компанийг үнэт цаасны бүртгэлээс хассан. Тэгвэл өнөөдөр Санхүүгийн зохицуулах хорооноос 36 хувьцаат компанид үйл ажиллагаагаа сайжруулах боломжийг энэ оныг дуустал өгөхөөр болсон байна.

Тодруулбал, эдгээр 165 компаниас 36 хувьцаат компани тодорхой хэмжээнд хууль журмын дагуу хувьцаа эзэмшигчдийн хурлын мэдэгдэл, мэдээлэл болон санхүүгийн тайлан мэдээг СЗХ-нд хуульд заасан хугацаанд ирүүлж байжээ. Тиймээс нэрзаасан 36 компанийн удирдлага, хяналтын багц эзэмшигчид үнэт цаасны арилжаагаа сэргээх, компанийг дахин хөрөнгөжүүлэх, нэмж хувьцаа гаргах, компанийн зохион байгуулалтын хэлбэрийг өөрчлөн хязгаарлагдмал хариуцлагатай компани болохэсвэл татан буулгах эсэх асуудлыг хувьцаа эзэмшигчдийн хурлаараа шийдвэрлэж, холбогдох хүсэлтээ 2013 оны 12 дугаар сарын 01-ний дотор Санхүүгийн зохицуулах хороонд ирүүлэхийг анхааруулж байна. Хэрэв энэ хугацаанд хүсэлт, шийдвэрээ ирүүлээгүй тохиолдолд уг нэр бүхий 36 хувьцаат компанийг Монголын хөрөнгийн биржийн бүртгэлээс хасах, цаашид татан буулгахад шаардлагатай шат дараалсан арга хэмжээг авч хэрэгжүүлэх, шүүхэд нэхэмжлэл гаргах болохыг үүгээр мэдэгджээ.

Арилжаа нь зогсч, анхааруулга авсан 36 компанийг танилцуулж байна.

№

КОМПАНИЙН НЭРС

ҮНЭТ ЦААСНЫ КОД

НЭРИЙН КОД

"Бүтээл"
ХК

395

BUT

"Торгон үр"
ХК

415

IBU

"Дэвшил мандал"
ХК

300