Увс аймгийн Тэс суманд хээрийн чоно тус сумын VI багийн иргэд рүү дайрч, хазсан хэрэг энэ сарын 24-нд гарчээ. Аймгийн Онцгой байдлын албанаас хүн рүү дайрсан чоныг устгаж, сэг зэмээс нь дээж авч, тус аймгийн Мал эмнэлгийн лабораторид шинжлэхэд галзуу өвчнөөр өвчилсөн болох нь тогтоогдсон байна. Иймээс сумын Засаг даргын захирамжаар Тэс суманд 14 хоногийн хугацаатай хорио цээрийн дэглэм тогтоожээ.

Галзуу чононд хазуулсан Тэс сумын VI багийн гурван иргэнийг аймгийн Нэгдсэн эмнэлэгт хэвтүүлэн эмчилж байгаа гэнэ.