Таблет болон ухаалаг гар утасны зах зээлд хүчтэй өрсөлдөгч болоод буй “Samsung” компани хүүхдэд зориулсан таблет гаргах гэнэ. Энэхүү шинэ төрлийн таблетыг бага насны хэрэглэгчдэдээ зориулан гаргаж байгаа ба Galaxy Tab 3 Kids гэж нэрлэх аж.

Хүчин чадлын хувьд бусад таблетуудтайгаа ижил байх ба эцэг эхчүүд хүүхдийнхээ үзэх харах зүйлст хяналт тавих боломжтойгоор хийгдэхээр давуу талтай гэнэ. Жишээлбэл хүүхдээ таблет хэрэглэх цагийг нь тохируулж өгөх ба цаг нь дуусах үед нууц үг нэхэж, ашиглах боломжгүй болох гэнэ.

Энэхүү таблетыг ирэх есдүгээр сард танилцуулахаар төлөвлөөд байгаа аж.