Цагдаагийн байгууллагад өчигдөр иргэд, аж ахуйн нэгжээс гэмт хэрэг, зөрчлийн 1505 дуудлага ирж, мэдээллийг шалгахад гэмт хэргийн шинжтэй 54 үйлдэл гарсан байна. Үүнээс 42 хэргийн эзэн холбогдогч нь илэрчээ. Өчигдөр нийслэлийн хэмжээнд хүний амь насыг санаатайгаар хохироосон нэг, бусдын биед гэмтэл учруулсан хоёр,  хүчингийн нэг,   хулгайн 13, дээрмийн хоёр хэрэг гарчээ. Мөн мөнгөн тэмдэгт, үнэт цаас, хуурамчаар үйлдсэн нэг, танхайн зургаа, зам тээврийн хэрэг 18 гарч 23 хүн гэмтсэн байна.