“Эрдэнэс Тавантолгой” компани удирдах албан тушаалтныхаа тоог цөөрүүлж, бүтцийн өөрчлөлт хийхээр болсон байна. Тухайлбал, дөрвөн дэд захирлын орон тоог гурав болгон цөөлөх ажээ.

Нүүрсний зах зээлийн хямралаас болж он гарсаар “Эрдэнэс Тавантолгой” компани  экспортоо зогсоохдоо хүрч байсан бөгөөд манай нүүрсний ганц импортлогч орон болох БНХАУ-тай хэлэлцээ хийн, экспортоо үргэлжлүүлэхээр болсон юм. Тус компани үйл ажиллагааныхаа зардлыг бууруулж, нүүрсний экспортоо дөрөвдүгээр сараас эхлүүлснээр өдийг үргэлжилж байгаа ч санхүүгийн алдагдал ихтэй байгаа. Тиймээс бүтэц, зохион байгуулалтдаа өөрчлөлт хийх замаар санхүүгийн хүндрэлээс гарахыг зорих болжээ.