Төрийн болон төрийн бус өмчийн ерөнхий боловсролын бүх сургуулиудын 2013-2014 оны хичээлийн шинэ жилийн нээлт есдүгээр сарын 1-ний ням гаригт болох юм. Хичээлийн шинэ жилийн эхний өдөр Монгол Улсын Ерөнхийлөгч Ц.Элбэгдорж орон даяар теле хичээл заах бөгөөд хичээллэх цагийн хуваарийг дараах байдлаар Боловсрол, шинжлэх ухааны яамнаас тогтоожээ.

08:00-08:40 цаг:    Хичээлийн шинэ жилийн нээлт

09:00-09:40 цаг:    “Монголын нууц товчоо” хичээл

10:00-10:40цаг:    Монгол Улсын Ерөнхийлөгч Ц.Элбэгдоржийн оролцох "Хуулийн засаглал, хүүхдийн оролцоо" теле хичээл.

Ерөнхий боловсролын сургуулиуд ийн ням гаригт нээлтээ хийж, даваа гаригаас хуваарийн дагуу хичээллэх бол цэцэрлэгүүдийн хувьд есдүгээр сарын 2-нд хичээлийн шинэ жилийн нээлтээ хийх талаар албаныхан мэдээллээ.