Хятадын газрын тос химийн корпораци буюу “Sinopec”-ын ашиг 24 хувиар өсч 30,3 тэрбум юань /4,9 тэрбум ам.доллар/ хүрчээ. Азийн хамгийн том газрын тос олборлогч энэхүү компани энэ жилийн нэгдүгээр сараас хойш орлого нь огцом өссөн байна. Тус компани нь өөрийн улсдаа худалдаа явуулдаг ч олон улсад тийм ч нээлттэй биш. Гэхдээ “Sinopec” өнгөрсөн тавдугаар сард Анголын Засгийн газартай гэрээ байгуулж, газрын тос олборлож, нийлүүлэхээр болсон юм.

“Дотооддоо олборлолт, борлуулалт сайн байлаа. Энэ жилийн тухайд газрын тосны үнэ дэлхийн зах зээлд нэг их савалгаатай байгаагүй нь бидний ашигт нөлөөлсөн. Мөн Хятадын засгийн газар эдийн засгаа хөгжүүлэх үе шатат арга хэмжээ авсаны дүнд бидний ашиг өндөр гарлаа. Жилийн эцэс гэхэд ашгаа энэ хэмжээнд хадгалах, өсгөх тал дээр анхаарч ажиллана” гэж Тус компанийн ерөнхий захирал Фү Ченюу ярьжээ. Зөвхөн энэ компани ч биш “Петрочайна” мэтийн томоохон газрын тосны компанийн ашиг 6-10 хувийн өсөлттэй гарсан билээ.