Фото: Charlie Riedel
Судлаач эрдэмтэд дэлхийн цаг агаарын өөрчлөлтийн улмаас усанд живэх өндөр эрсдэлтэй хотуудын жагсаалтыг гаргаж, олон нийтийн анхааралд танилцууллаа. Агаарын хэм ба дэлхийн далай тэнгисийн төвшний статистикийн дундаж хадгалагдан үлдлээ гэхэд их ус 2050 онд Гуанжоу, Мумбай, Колкат, Гуаякиль, Майами, Нью-Йорк, Шинэ Орлеан, Хошимин, Тяньжин, Жакарта, Бостон, Бангкок, Нагоя, Сурат  зэрэг хотуудын хэсгийг эзэлсэн байх гэнэ.

Саутгемптоны их сургуулийн эрдэмтэд ийм жагсаалт гаргахын тулд далайн эрэг хавийн 136 том хотын цаг уурын өөрчлөлтийн материалд судалгаа хийн дүгнэлтээ гаргажээ.

Энэ судалгааг Эдийн засгийн хамтын ажиллагаа ба хөгжлийн байгууллагын дэмжлэгээр хийсэн байна.