F-35B онгоцны шөнийн буулт.

Кадр: YouTube

Америкийн ирээдүйтэй гэгдэх F-35B Lightning II сөнөөгч онгоц анх удаагаа олон талын зориулалт бүхий «Уосп» гэх десантын хөлөг онгоцны тавцан дээр наймдугаар сарын 14-нд эгц доош буух шөнийн буултыг амжилтай хийсэн тухай Lockheed Martin компани мэдээлжээ. Сөнөөгч онгоцны хөөрөлт ба буулт нэмэлт туршилтийн хоёрдугаар шатны хүрээнд (DT-II) хийгдсэн бөгөөд одоо туршилтыг BF-1 ба BF-5 гэсэн дугаартай онгоцнууд хийж байгаа гэнэ.

Шөнийн туршилтийн талаар өөр тодорхой мэдээллийг өгөөгүй байна. Lockheed Martin компанийн мэдээлснээр, F-35B сөнөөгч онгоцнууд богиносгосон 40 удаагийн хөөрөлт, эгц доош буух 41 удаагийн буултыг амжилттай хийсэн байна. DT-II туршилтийн дүнгээр авсан бүх мэдээллийг Тэнгисийн цэргийн хүчин ба Тэнгисийн явган цэргийнхэн F-35B онгоцыг зэвсэглэл хүлээн авах боломжийн талаар гаргах эцсийн дүгнэлтэндээ ашиглах юм. Одоо Америкийн цэргийнхэн F-35B онгоцны эхний байлдааны бэлэн байдлыг 2015 онд зарлахаар бэлтгэж байна.

F-35 загварын сөнөөгч онгоцнуудыг хуурай замын (F-35A CTOL), хөлөг онгоц тээгчийн (F-35C CV) мөн богиносгосон хөөрөлттэй, эгц доош буух буулттай (F-35B STOVL) гэсэн гурван үндсэн хувилбараар бүтээж байна. Онгоцнууд цагт 2,1 мянган км-ийн хурдтай, 25 мм-ийн их буугаар зэвсэглэгдсэн байна. Үүний хажуугаар гадна талд нь зэвсэг зөөх зургаан пилонтай, дотор талд нь хоёр пилоныг байрлуулсан байна.