Монголын спортын сэтгүүлчдийн холбоо, Монголын Залуучуудын холбооны дэргэдэх “Залуу дугуйчин клуб” хамтран зохион байгуулж буй дугуйн аялал өнөөдөр эхэллээ. Хотоо дугуйн замтай болгох уриалгыг дэмжин зохиож байгаа тус аялалд Монголын спортын сэтгүүлчдийн холбооны 40 орчим сэтгүүлчид хамрагдаж байгаа юм. Ингээд өнөөдөр 14.00 цагаас Спортын төв ордны үүдэнд аялалын нээлтээ хийж  сэтгүүлчид замдаа гарлаа. Дугуйн аялал нь Налайх- Горхи- Тэрэлж гэсэн маршрутаар явагдаж байгаа юм. Маргааш дугуйтай сэтгүүлчид уулруу дугуйтай аялах ажээ.

Монголын спортын сэтгүүлчдийн холбоо сэтгүүлчдийн дунд тэмцээн уралдаан байнга зохион байгуулж, спортоор хичээллэхийг уриалан олон ажлууд зохиодог байна. Ийнхүү Монголын спортын сэтгүүлчдийн шинэ улирлын ажил дугуйн спортоор эхэллээ.