УИХ-ын гишүүн асан Ц.Сэд­ваанчиг уул уурхайд, тэр дундаа Оюу­толгойд “аллерги”-тай хүн. Өнгөрөгч сонгуулиар той­рог­тоо ялагдаж, “Эр­дэнэс Оюу­тол­гой” компанийн захирлаар томилогдсон. Гэвч жил гаруй болоод ажлаасаа халагдлаа. Засгийн газ­рын даалгавраар “Эр­дэнэс Оюу­толгой”-н ТУЗ хуралдаж, түүнийг албан тушаалаас нь чөлөөлсөн. Тэр үүнд нэг их дур­гүйцэл илэр­хийлсэнгүй. Харин ч “Миний золиос болох хамаагүй. Харин дарга нар “Рио Тинто”-гийн хүсэлтийг л биелүүлээгүй бол болох нь тэр” гэсэн юм. Найман сар гаруйн хугацаанд “Эрдэнэс Оюутолгой”-г  толгойлохдоо “Рио Тинто”-д Монгол Улс хуультай гэдгийг мэд­рүүл­сэн, гэрээг сайжруулж болох үүдийг нээж өгсөн хэмээн хэв­лэлүүд түү-нийг магтаж бай­на. Тэрбээр “Рио Тинто” руу нэмэлт санхүүжилтийн асуудлаар захидал бичсэн гэж хариуцлага тоо­цуулсан байх магадлалтай. Бас болоогүй “Ерөнхий сайдын явуул гэсэн захидлыг илгээсэн. Цаг нь болохоор энэ захидлыг дэл­гэнэ” гэдгээ мэдэгдсэн. Тэр чад­на.  Нэг их удахгүй хэвлэлээр үнэн бодит байдлыг дэлгэн ярина гэд­гээ ч нотолсон. Ц.Сэд­ваанчиг УИХ-ын гишүүн байхдаа байсхийгээд л Ерөнхий сайддаа асуулга хүр­гүүл­чихдэг бай­сан. Хо­вор металл, Могойн гол, үндэс­ний үйлд­вэр­лэгчдийг дэмжих тухай асуудал түүний хамгийн сайн мэд­дэг сэдэв нь. Гольф тоглох хоббитой, Урт нэртэй хуулийн автор, “Говь”-ийн хүн, УИХ, Засгийн газарт байнга асуулга тавьдаг гээд түүнд бусдаас ялгарах онцлог бий. Ц.Сэдваанчигийг аж лаас нь үтэр түргэн чөлөөлсөн нь алдаа мадаг хаа хаанаа байсныг Засгийн газар, Ерөнхий сайд шууд хүлээн зөвшөөрсний баталгаа. Мөн үүрэг өгсөн нь биш биелүүлсэн нь хариуцлага хүлээдэг жишиг тогтсоны илэрхийлэл аж.