Лондонд хиймэл мах­ны амталгаа хийжээ. Нидерлан­дын Маастрикт хотын их сургуулийн лабораторид боловсруулсан энэхүү хий­мэл мах нь ердөө 141 грамм жинтэй. Тэгсэн хэрнээ 380 гаруй сая ам.долларын өр­төгтэй. Тэгээд бас энэ махны амталгаа хийх эрхийг олж авахын тулд Лондонгийн төвд байрлах нэгэн ресторан маш их үнэ төлсөн гэж байгаа. Энэ тухай мэдээг уншаад баярласан гэж жигтэйхэн. Аргагүй шүү дээ. Тэнд махны ханш манайхаас илүү үнэтэй болсон байхад хөөрч догдлохгүй гээд яах юм бэ. Монголчууд 40 сая малтай гэдэг хэрнээ дэлгүүрийн лан­гуун дээр зарагдаж бай­гаа мах үнэтэй байгааг нь гай­хан шогширцгоодог хүмүүс. Заримдаа бүр гэрлийн хур­даар өсөж байгаа үнийг нь төлж дийлэхгүй, ядарч цөх­рөн туйлддаг хүмүүс. Тэгэнгүүтээ гадны хөг­жил­тэй орнуудыг жишээ бол­гон ярьцгааж, сэтгэлээ тайтгаруулах дуртай. “Нөгөө муу Америкт чинь мах жиг­тэйхэн хямдхан байдаг гэнэ” гэж ирээд л… Тэгснээ “Ар­гагүй, аргагүй. Тэнд чинь онгон байгалиас хол өсгөсөн малын махаар л хооллодог юм билээ. Манайд бол тэс ондоо” гэнэ. Угтаа бол энэ нь “Бид үнэтэй ч гэсэн цэвэр махаар хооллодог” хэмээн өөрсдийгөө баясгаж байгаа хэрэг юм. Гэтэл манайхаас үнэтэй мах үйлдвэрлэсэн тухай сонсонгуут “Биднээс ядарсан хүмүүс байдаг байх нь. Бид харин ч бүр хямдхан үнээр мах худалдаж авдаг байх нь” хэмээн мөн л баясна. Ер нь тэгээд яваандаа дэлгүүрийн лангуун дээр хиймэл мах улам их тавигдах шинжтэй гэнэ. Ойрын арван жилийн дотор эсийн аргаар боловсруулсан үхэр, хонь, гахай, тахианы мах их хэмжээгээр зах зээлд гарна хэмээн “BBC” мэдээлжээ. Энэ нь 2050 он гэхэд дэл­хийн махны хэрэгцээ 2000 онтой харьцуулахад хоёр дахин өсөх гэж байгаатай холбоотой ч байж болох юм. Тэр үед малынхаа тоо, толгойг улам арвин болгож аваад дэлхийн хаана ч байхгүй хямд үнээр мах худалдаж авах бололцоотой болох нь. Ямар гоё юм бэ. Хиймэл махны үйлдвэрлэл хурдхан өргөжөөсэй. Тэгвэл хямд үнээр мах авна.