Попын супер од Мадоннагийн 55 насны ойн төрсөн өдөр өнөөдөр тохиож байна. Тэрээр 1958 оны энэ өдөр Америкт мэндэлжээ. Мадонна энэ удаа төрсөн өдрөө нүсэр тэмдэглэхийг хүссэнгүй, зөвхөн гэр бүлийн хүрээнд баярласан байна.
 
Мадоннаг “Геннисийн амжилтын ном”-д бүх цаг үеийн хамгийн амжилттай дуучин хэмээн зарласан байдаг. Тэрээр долоон удаа “Гремми” шагнал хүртэж, цомгоо дэлхий даяар 300 саяас дээш хувь борлуулжээ. Энэ жил Мадоннаг дэлхийн хамгийн баян эмэгтэй дуучин хэмээн “Forbes” сэтгүүл тодруулсан бөгөөд түүний хөрөнгийн хэмжээ 1,1 тэрбум ам.доллар хүрсэн гэнэ.