Монгол Улсын Дархан аварга, Хөдөлмөрийн баатар Жигжидийн Мөнхбат өөрийн шавь  Сэлэнгэ аймгийн Мандал сумын харьяат Монгол Улсын отгон аварга Гунаажавын Эрхэмбаярт хүндэтгэл үзүүлэхээр болжээ. Хүндэтгэлийн ёслол маргааш буюу наймдугаар сарын 12-нд 12:00 цагаас “Их шавь” дээд сургууль дээр болох юм.

Ардын хувьсгалын 92 жилийн ойн баяр наадмаар ес даван түрүүлж, Монгол Улсын аварга болсон Г.Эрхэмбаяр Дархан аварга Ж.Мөнхбат аваргын үүсгэн байгуулсан “Их шавь” дээд сургуулийг төгссөн ажээ. Тэрбээр 1997 онд тус сургуульд элсэн орж, Монгол Улсын харцага Г.Элбэгийн гарын шавь нь болсон байна.