Монгол Улсын Засгийн газрын 2012-2016 оны үйл ажиллагааны хөтөлбөрт тусгагдсан “2013 онд 6 аймгийн төвүүдийг нийслэл хоттой хатуу хучилттай авто замаар бүрэн холбох” зорилтыг хэрэгжүүлэх болон авто замын барилгын ажлыг төлөвлөсөн хугацаанд барьж байгуулах нөхцөлийг бүрдүүлэх зорилгоор Монгол Улсын Зам, тээврийн сайд А.Гансүх Хөвсгөл аймагт хэрэгжиж буй авто замын барилгын ажлын явц байдалтай танилцсан байна. Энэ үеэр гүйцэтгэгч компаниудад зам барилгын ажлыг гэрээт хугацаандаа хурдан шуурхай, чанартай хийж гүйцэтгэхийг үүрэг болгожээ.