Испанийн “Барселона” багийн хагас хамгаалагч Хавьер Маскерано хэрэв багийн удирдлага нь түүний нөхцөлийг хүлээж авах сонирхолгүй байгаа бол багаа орхиход бэлэн байгаагаа мэдэгдлээ. Энэ тухайгаа тэрээр Испанийн хэвлэл мэдээлэлийн хэрэгслээр мэдэгджээ. Хэрэв шинэ тоглогч ирвэл түүний гарааны бүрэлдэхүүнд гарах магадлал нь огцом буурах юм.

”Бүх зүйлд бэлэн  байх хэрэгтэй. Намайг их олон баг сонирхож байгаа ч одоогоор тодорхой санал ирээгүй байна. Хэрэв надад дахин найдлага тавихгүй байгаагаа хэлбэл би багийн харьяаллаа шууд солино”  хэмээн 29 настай тоглогч мэдэгдлээ.

Хавьер нь 2010 онд “Ливерпуль” клубээс “Барселона”-д 24 сая еврогоор шилжин иржээ. Өнгөрсөн улиралд тэр 25 удаа талбай дээр гарч тоглосноос 21 удаа үндсэн бүрэлдэхүүнд гарч тоглосон байна.