Монголын тулгар төр үүссэний 2222 жил, Их монгол улс байгуулагдсаны 807, Ардын хувьсгалын 92 жилийн ой Үндэсний их баяр наадамд маань өргөн дэлгэр болж өнгөрсөн бөгөөд Хүүхдийн төлөө үндэсний газраас баяр наадмыг зохион байгуулах багт орж хүүхэд хамгааллын сэдвээр хүүхдийн аюулгүй байдлыг хэрхэн хангаж ажилласан талаарх мэдээллүүдээ өмнө нь хүргэсэн билээ.

Мөн Засгийн газрын шийдвэрээр тэгш ой нь тохиож байгаа болон бүсийн наадмаа хийж байгаа Архангай, Хэнтий, Завхан, Төв мөн Дорноговь  болон Их хурд зохион байгуулагдах Өвөрхангай аймгуудад ХТҮГ-ын даргын тушаалаар ХТҮГ-ын алба хэлтсийн ажилтан, албан хаагч 15 хүн дээрх аймгуудад томилолтоор ажиллав.

Хурдан морь уралдуулах унаач хүүхдийн эрүүл мэнд аюулгүй байдлыг хангаж ажиллах, уралдааны зохион байгуулалт үйл ажиллагаанд хяналт тавин бүртгэл хийж зөвөлгөө өгөн мөн тухайн орон нутгийн удирдлагууд, баяр наадмыг зохион байгуулж байгаа хэлтэс хороод болон хурдан морины салбар комисс уяачид, уяачдын холбоотой хамтран хүүхэд хамгааллынхаа асуудлаар зөвлөмж өгөн хамтран ажиллаж байна. Мөн нас насны хурдан моридоо унаж айрагдуулсан бяцхан хүүхдүүдэд  болон цэц мэргэнээ сорьсон бяцхан харваачид, эр бяраа гарган амжилттай барилдсан өсвөрийн хүчит бөхчүүдэд ХТҮГ-ын авъяас медалиар шагнаж урамшууллаа.