“Мастер пропертис” ХХК-иас жил бүр уламжлал болгон зохион байгуулдаг
“Үл хөдлөх хөрөнгийн чиг хандлага” сургалт өнөөдөр “Чингис” зочид
буудалд болов. Энэ удаагийн сургалт семинар барилгын компанийн борлуулалтын менежерүүдийг хөгжүүлэх, улмаар барилгын салбарын хөгжлийг хурдасгах зорилготойгоор “Үл хөдлөх хөрөнгийн борлуулалтын стратеги ”сэдвээр зохион байгуулагдсан юм. Сургалт семинараар барилгын чиглэлээр үйл ажиллагаа явуулдаг менежерүүдэд төслийн судалгаа концевц боловсруулахад анхаарах зүйлс, хэрэгжүүлэхэд шаардлагатай арга зүй, борлуулалтын төсөөлөл хэрхэн хийх, ҮХХ-ийн ирээдүйн үнэ цэнийг тооцох арга аргачлалын талаар зөвлөгөө, мэдээлэл өгчээ. Сургалтад “Орчлон констракшн”, ”Бэрэн” ХХК, “Чоно” групп, “Алтай констракшн”, “Өндөр буянт” ХХК зэрэг 100 гаруй барилгын компанийн борлуулалтын менежерүүд оролцсон байна.