Нийслэлчүүд бидний 70 давхар хэмээн нэрлэж заншсан газрыг дурсгалын цэцэрлэгт хүрээлэн болгох талаар нээлттэй хэлэлцүүлэг зохион байгуулахаар болжээ. Энэхүү хэлэлцүүлэг маргааш 14.00 цагт Нийслэлийн Иргэний танхимд болох бөгөөд “Далан давхар”-ыг дурсгалын цэцэрлэгт хүрээлэн болгох асуудлаар нээлттэй хэлэлцүүлэг зохион байгуулах аж.

Хэлэлцүүлэгт нийслэлийн удирдлагууд, шашны байгууллагын төлөөлөл, ШУА-ийн эрдэмтэд болон Эрүүл мэнд, Байгаль орчин, Ногоон хөгжлийн газар, “Улаанбаатар Буян” компани зэрэг байгууллагын төлөөлөл оролцох аж. Олон жилийн хугацаанд “Далан давхар” орчмын оршуулгын газрын ойролцоо айлууд гэр барьж, хог новшиндоо дарагдаж байсан. Харин энэ асуудлыг хотын удирдлагууд шийдвэрлэхээр ийнхүү хэлэлцүүлэг өрнүүлэхээр болжээ.