Холливудын сайхан бүсгүйчүүдийн нэг, жүжигчин, загвар өмсөгч Меган Фокс болон түүний нөхөр жүжигчин Остин Грин нар хоёр дахь хүүхдээ хүлээж буй тухайгаа олонд дэлгэжээ. Энэ тухай Остин “PEOPLE” сэтгүүлд өгсөн ярилцлагадаа “Меган хөл хүнд болсон. Бид шинэ хүнээ  угтан авах гэж  байгаадаа маш баяртай байгаа”  хэмээн ярьжээ.

Өдгөө 27 настай Фокс, 40 настай Остин нар 2010 онд Хавайд хуримаа хийж Остины хүү Касиус тэдний хуримын гэрч болж байсан гэнэ. Харин хосууд хуримаа хийснээс хойш анхны хүүхдээ өнгөрөгч оны есдүгээр сард төрүүлж Ноа Шэнон хэмээх нэр өгчээ.