Таван сонгууль дараалан ялагдал хүлээсэн Монгол Ардын намын алдаа оноог дэнслэхээр тус намын Бага хурал өнөөдөр хуралдах ёстой. Бага хурал өнөөдөр өглөө 10.00 цагт эхлэх товтой байсан ч ирц бүрдээгүй гэсэн шалтгаанаар 15.00 цагт хүртэл хойшлуулаад байна. Бага хурлаас урьтаж, МАН-ын Удирдах зөвлөл өглөө 09.00 цагаас эхлэн хуралдсан юм. Удирдах зөвлөлийн хурал өндөрлөж, залгуулаад Бага хурал хуралдуулна гэж байсан ч ийнхүү ирц бүрдээгүй шалтгаанаар хойшлууллаа.