Г.Эрхэмбаяр аваргын ээж Сэлэнгэ аймгийн Хүндэт иргэн боллоо. Тулгар төрийн 2222, Их Монгол Улс байгуулагдсаны 807, Ардын хувьсгалын 92 жилийн Үндэсний их баяр наадмаар ес давж түрүүлсэн Монгол Улсын отгон аварга Гунаажавын Эрхэмбаярт зориулсан “Сэлэнгэ түмний хүндэтгэлийн наадам” Сэлэнгэ аймагт өнгөрсөн баасан гаригт болсон.

Энэ наадмын үеэр олон жил Сэлэнгэчүүдийн хүлээсэн аварга цолыг авчирсан Г.Эрхэмбаяр аваргыг өсгөж хүмүүжүүлсэн, буянтай буурал ээж Т.Даваадулам Сэлэнгэ аймгийн нутгийн зон олон хүндэтгэж, аймгийн Хүндэт иргэнээр зарласан юм.