Хөдөө аж ахуйн техник, тоног төхөөрөмжийн худалдаа эрхэлдэг аж, ахуйн нэгж, байгууллагыг хамруулсан “Фарм шоу-2013” техник, технологийн үзэсгэлэнг энэ сард зохин байгуулах ажээ. Хөдөө аж ахуйн техник, тоног төхөөрөмж, сэлбэгийн үзэсгэлэн худалдаа, талбай дахь технологийн үзүүлэх сургалт, хүнсний үйлдвэрийн бүтээгдэхүүний үзэсгэлэн, худалдаа, таримал ургамлын сортын танилцуулга, ургац хураалтад баримтлах технологийн зөвлөмж, шинжлэх ухааны төслийн үр дүнгийн танилцуулга зэргээс бүтэх уг үзэсгэлэнгийн үеэр банк, санхүү даатгалын байгууллага, гурил үйлдвэрлэгч, тариаланчдын санал солилцох уулзалтыг зохион байгуулахаар төлөвлөжээ.

“Фарм шоу-2013” наймдугаар сарын 15-16-ны өдрүүдэд Дархан-Уул аймагт болох юм. Үзэсгэлэнд оролцох иргэд, тариаланчид, аж ахуйн нэгжүүдийг Үйлдвэр, хөдөө аж ахуйн яам, Монголын тариаланчдын холбоон дээр бүртгэж буй ажээ.