Энэ сарын 27-оос ирэх сарын 2-ны өдрүүдэд Монгол Улсад анх удаа Байт харвааны Азийн гран при тэмцээн болж байгаа билээ. Тус тэмцээний албан ёсны нээлт өчигдөр Төв цэнгэлдэх хүрээлэнд болсон бөгөөд өнөөдөр урьдчилсан харваа болж байна.

Тэмцээнд нийт 10 орны 124 тамирчин эрэгтэй, эмэгтэй, багийн, холимог багийн гэсэн ангилалд цэц мэргэнээ сорих юм. Энэхүү тэмцээн нь 1990-ээд оны сүүлээс Азийн орнуудын дунд цуврал болон явагддаг байсан бол сүүлийн жилүүдэд нэр хүнд нь өссөнөөр дэлхийн чансааны тэмцээн болсон аж. Тиймээс Азийн орнуудаас гадна бусад тивийн баг тамирчид оролцоход нээлттэй юм байна.