Нийслэлийн дүүргүүдэд зам засварын ажил үргэлжилж байна. Энэ хүрээнд долдугаар сарын 15-нд Дарь-Эхийн уулзвараас Дарь-Эхийн эцэс, Дамбын чиглэлийн замын хөдөлгөөнийг хязгаарлаж, зам засварын ажлыг хийнэ гэж байсан ч өнөөдрийн байдлаар засварын ажил эхлээгүй байна. Бид уг замын талаар албаны хүнээс тодруулахад: “Дарь-Эхийн эцэс, Дамбын чиглэлийн  нийт 12.7 км замын засварын ажил явагдаж байна. Харин эвдрэл ихтэй байгаа 1,2 км-д хучилтын ажлыг хийх бөгөөд одоогоор замыг бүрэн хааж эхлээгүй байна. Бид уг орчмын гэрэлтүүлэг, замыг жижиг сажиг засваруудыг хийж байна. Ирэх наймдугаар сарын 5-нд засварыг хийж, бүрэн дуусгана гэсэн төлөвлөгөөтэй байна” гэлээ.

Дарь-Эхийн эцэс, Дамбын чиглэлийн зам засварын ажил явагдаж байгаа юм байна. Харин эвдрэл ихтэй замыг хязгаарлаж засах бөгөөд энэ нь хараахан эхлээгүй байгаа талаар албаны хүн мэдээллээ.