Дэлхийн алдартай халуухан бүсгүйчүүдийн нэг DJ Da Candy өнөөдөр “Мишээл экспо”-д шоугаа хийх гэж байна. Түүний олон улсад алдаршсан нэр нь “Халуухан Da Candy” гэнэ. Тэрээр шоунд хүрэлцэн ирсэн эхний 500 эмэгтэйд гоо сайхны бүтээгдэхүүн бэлэглэх юм гэсэн.

Шоуны такс 20 мянган төгрөг. Гэхдээ 500 мянган төгрөгөөр үнэлсэн VIP ширээ ч бий. Мөн энгийн ширээний такс 300 мянга, харин босоо ширээ нь 200 мянган төгрөг гэнэ. Шоунд “Торго” салон хамтран ажиллаж буй бөгөөд “Уран нугараа”, “Бөөгийн бүжиг”, “Эзэнт гүрэн”, “Тэнцвэрт үзүүлбэр” болон “Дүүжин үзүүлбэр” зэрэг олон сонирхолтой үзүүлбэрээ зэхээд байна.

Da Candy нь Европын холбооны улсуудаар болон Филипин, Хятад, Шри Ланка, Энэтхэг, Турк, ОХУ зэрэг орнуудаар аялан тоглолт хийж байжээ. Тэрээр гурван жилийн өмнөөс DJ болсон. Харин 10 жилийн өмнөөс бүжгийн урлагаар хичээллэх болжээ. Францад болсон

“World Top Girls DJs” тэмцээний ялагч Халуухан Da Candy өнөө орой “Мишээл экспо”-г доргиох нь ээ.