Өдгөө 20 жилийнхээ ойд зориулан эргэн нэгдэж уран бүтээлээ туурвихаар болсон 1990-ээд оны үеийн шилдэг boyband “Backstreet Boys”-ийн залуус “One Phone Call" нэртэй шинэхэн синглээ фэнүүддээ хүргэж эхлээд байна. Тэдний энэхүү уран бүтээл хамтлагийнхны найм дахь шинэ цомог болж удахгүй мэндлэх “In a World Like This” цомогт  багтах бөгөөд энэ тухай тэд өөрсдийн цахим хуудсанд албан ёсоор мэдээлжээ.  

“One Phone Call”-аас өмнө хамтлагийн залуус өнгөрөгч тавдугаар сард “Permanent Stain”, “In a World Like This” дуунуудаа хөгжим сонирхогчдод хүргээд байсан юм.  Харин тэд одоогийн байдлаар шинэ синглээс гадна аялан тоглолтдоо анхаарлаа хандуулж байгаа бөгөөд “In a World Like This” цомгоо ирэх долдугаар сарын 30-нд худалдаанд гарна хэмээн мэдэгджээ.